Plantun de Prouvènço

Pèr coumpara dos planto d'encò nostre

Lysimachia linum-stellatum & Euphorbia palustris

Lysimachia linum-stellatum

Primulaceae

Noms en français : Astéroline en étoile, Lin étoilé.

Descripcioun :
Lou lin-estela flouris à la debuto dóu printèms dins li relarg secarous de basso Prouvènço. Es uno pichoto planto que fai de flour mistoulino. D'un poun de vist boutani, èi pas un lin que fai parti de la famiho di Primulaceae. Se recounèis à soun long "calice" estela que soubro de tèms après la cabusso di petalo, e l'estiéu à si gros fru redoun (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 10 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Lysimachia
Famiho : Primulaceae

Ordre : Ericales

Coulour de la flour : Blanco
Petalo : 5
Ø (o loungour) flour : 0,4 mm
Flourido : Printems

Sòu : Ca
Autour basso e auto : 0 à 600 m
Aparado : Noun
Mars à mai

Liò : Tepiero seco - Garrigo
Estànci : Termoumediterran à Coulinen
Couroulougi : Mediterrano-Atlantico
Ref. sc. : Lysimachia linum-stellatum L., 1753 (= Asterolinon linum-stellatum (L.) Duby )

Lachusclo(-de-palun)

Euphorbia palustris

Euphorbiaceae

Nom en français : Euphorbe des marais.

Descripcioun :
Grando laschusclo que pòu faire mai d'un mètre d'aut. Ei sènso péu, se recounèis majamen à si fueio e si ramo sènso flour (fotò). Si boursèu soun berrugous. Vèn dins li palun e proche de ribiero. Coumpara emé la lachusclo-d'Ilirìo que trachis dins li mémi relarg e ié sèmblo proun.

Usanço :
Coume tóuti lis meno d'Euphorbia, aquesto éufòrbi es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.